吴镇宇、古天乐开金口唱歌,Sammi演唱会high爆全场!!!


一连八场《Touch Mi 2郑秀文世界巡迴演唱会2016》终于係25号晚落下帷幕
虽然女主角因为鼻敏感而导致失声係台上一再走音甚至因为高音唱唔上去多次痛哭同大家say sorry
但小编相信应该都冇边个会怪Sammi、会叫佢“回水”~而且好有可能大家仲会觉得值回票价添!!皆因Sammi请嚟咗一众男神纷纷“救场”

除咗第二场催许生许太生B、将演唱会做成栋笃笑嘅子华神台湾著名歌手萧煌奇外仲嚟咗几个同Sammi有过一段甚至几段情嘅“老相好”

先有Sammi嘅黄金搭档刘德华两人合作主演过多部经典电影
《孤男寡女》
《瘦身男女》
《魔幻厨房》
《龙凤斗》
《盲探》两人嘅好默契自然不在话下啦加上同为天王天后无论係合唱《我们的主题曲》抑或係华仔独唱《一起走过的日子》观众当然睇到拍烂手掌啦!
第四场请嚟咗“许志安”杜德伟
发福嘅安仔曾係球场被路人认错成杜德伟“叫佢杜生都唔理,好寸!”一度成为全城笑话
今次Sammi一于玩大佢杜德伟一出场就率领全场大叫佢“许生”仲大爆自己都试过半夜认错“点解杜德伟训係隔离嘅?”
係咪真係咁似啊?
第五场请嚟“明福侠”黎明好有绅士风度嘅黎天王一上场即刻帮Sammi检查有冇走光
作词人林日曦、黎天王同Sammi三人係台上即场玩自拍老友鬼鬼
唔知大家仲记唔记得两人係十几年前合作果部《爱你爱到杀死你》呢?
第六场请嚟栋笃笑同样得得哋嘅林海峰
大家仲记唔记得呢张咁经典嘅剧照呢?一心想嫁个有钱人嘅阿MI一心想追阿MI嘅有钱仔Wilson呢部就係两人十几年前合作过嘅《嫁个有钱人》
林海峰仲用演唱会主题曲《Fabulous》嚟形容Sammi笑佢啱出道时个样好似菜肉包。但今日变凤爪初初脾气有翻咁上下,但今日人见人爱试过情绪上有少少波动,但今日係正能量嘅代表冇咗个男朋友,搵翻个老公,而且係同一个人Fabulous,神迹!又真係讲得几啱啵!
终于写到小编最期待嘅倒数第二场啦请嚟嘅係小编最爱Sam哥!!
两人係《冲上云霄》电影版首次合作但冇霖到Sam哥竟然一口就答应嚟做嘉宾仲要为咗Sammi献出自己嘅红馆“处女秀”
成日扮晒老定嘅Sam哥话自己其实从踏入升降台开始只手就已经湿过啱洗湿嘅底裤而且为咗今次演唱会Sam哥仲专程跟老师上咗6堂唱歌课
出咗名严谨嘅Sam哥原本仲霖住set翻个蛋挞头同着埋飞机师制服嚟当《岁月如歌》前奏响起全场立即疯狂尖叫!!小编隔住个屏幕都要癫啦!!
最后一场,嘉宾依然强势!係为咗Sammi从内地赶翻嚟嘅古仔Sammi话既然你咁有义气不如唱翻首歌仔嚟赠下庆啦古仔一开始都係拒绝嘅话过去七场嘉宾唱歌又唱过,栋笃笑又栋过自己净係识栋笃企
呢对老朋友你一句我一句认真几盏鬼小编细个都好钟意佢哋D对手戏噶!
《恋上你的床》
《百年好合》最后古仔终于係观众嘅欢呼声之中开金口唱咗首《当年情》

听完大家係咪更加期待古仔2018演唱会呢?




但演唱会消息同海报都係假嘅~
最后送翻Sam哥同古仔唔係好高清嘅视频畀大家high下啦!!!

看过本文的人还看过

发表评论

电子邮件地址不会被公开。 必填项已用*标注